ფერარა-ფლორენციის კრების მონაწილეები და მათი ადგილები კრების ოქმები (1438-1439)
- The Divine Science
- Sep 27, 2020
- 2 min read
ფერარა-ფლორენციის კრების მონაწილეები და მათი ადგილები
კრების ოქმები (1438-1439)
ტაძრის მარცხენა მხარე პაპსა და მის თანმხლებთ გადაეცათ, ხოლო მეორე მხარე, მარჯვნივ მეფესა და მასთან მყოფთ. პაპის კათედრა დადგეს მისთვის განკუთვნილ ადგილას, წმინდა ტრაპეზთან ექვსი მეტრის სიახლოვეს, ორი მეტრით შორს განთავსდა ალამანიის მეფის ტახტი. ამის შემდეგ დასხდნენ კარდინალები, შემდეგ მიტროპოლიტები, ეპისკოპოსები, რომელთა რიცხვი 150 იყო. მღვდლები, დიაკვნები და მათთან მყოფი მოსამართლეები, რომელთა რიცხვი უთვალავი გახლდათ. მეორე მხარეს მოამზადეს მეწამული ფერის, ოქროთი შემკული მეფის საყდარი. შემდეგ, კი, აღმოსავლური ეკლესიის წესის თანახმად პატრიარქთა და მოსაყდრეთა ადგილები. ეს ყველაფერი შეთანხმებული იყო წესების სრული დაცვით. დიდ ოთხშაბათს წმინდა გიორგის სახელობის საეპისკოპოსო ტაძარში შევიკრიბეთ, პირველად შევიდა პაპი და მისთვის განკუთვნილ ჩრდილოეთ მახარეს დაჯდა, ისე, როგორც ზემოთ აღინიშნა. შემდეგ სამხრეთით ჩვენი მეფენი დასხდნენ, ასევე მეუფე, მეფის მარჯვნივ-მეფის ძმა ბატონი დიმიტრი. პატრიარქი დაჯდა შემაღლებულ საყდარზე, შემდეგ ,კი , პატრიარქთა მოსაყდრეები: ალექსანდრიის [მოსაყდრე- წამომადგენელი], ირაკლიის [უფალი] ეპისკოპოსი ანტონი და პატივცემული მოძღვარი გრიგოლი. ანტიოქიის [მოსაყდრე წამომადგენელი], ეფესოს [მიტროპოლიტი] უფალი მარკოზი, რუსეთის უფალი ისიდორე, იერუსალიმის [მოსაყდრე-წარმომადგენელი], მონემვასიის უფალი დოსითეოსი და სარდის მიტროპოლიტი. ამათ გარდა იყვნენ: ტრაპიზონის დოროთეოსი, კიზიკის უფალი მიტროფანე, ნიკეას მიტროპოლიტი, უფალი [ბატონი] ბესარიონი, ნიკომიდიის მაკარიოსი, ლეკადემონიის უფალი მეთოდე, მიტილინის უფალი დოროთეოსი, ამასიის იოსაფი, მოლდოვლაქიის დამიანე, სტავრუპოლის ისაია, როდოსის ნათანაილი, დისტრასის კალისო, ღანის გენადიოსი, დრამის დოსითეოსი, მელენიკის ევსტრატი, ანქიალის სოფრონი, ასევე ივერიის ეკლესიიდან იყო მიტროპოლიტი და ეპისკოპოსი, რომელთა შემდეგ დასხდნენ ჯვაროსნები, შემდეგ მთავარნი პატრიარქის წრიდან, ათონელი წინამძღვრები და სხვა სასულიერო პირები ყველა თავისი წესის თანახმად.
ჩრდილოეთით უნეტარესი პაპის მხარეს იდგა ალამანიის მეფის საყდარი, შემდეგ ისხდნენ კარდინალნი, წმინდა კლიმენტის [კარდინალი] უფალი ფრანცისკე, წმინდა მარკოსის [კარდინალი] უფალი ალგელოპტისი, სავინესის ეპისკოპოსი უფალი იორდანე, კარდინალი ორსინოსი, პატიოსანი ჯვრის უფალი ნიკოლოზი, კარდინალი ფირმანე, პორტუნესის ეპისკოპოსი უფალი ვონონია, ორასი ეპისკოპოსი, მთავარეპისკოპოსი და საეკლესიო წინამძღვარი. ჩვენი პატრიარქი და სარდის მიტროპოლიტი ცუდად შეიქმნენ და ვერ მოვიდნენ, მაგრამ პატრიარქმა გამოაგზავნა თავისი წერილი და ის წაიკითხეს .
ტაძრის შუა ნაწილში, წმინდა ტრაპეზის წინ ოქროთი შემკული ულამაზესი საყდარი დადგეს, რომელზედაც დააბრძანეს სამართლიანად განმსჯელის, ჩვენი უფლის ისეო ქრისტეს ხატი და წმინდა სახარება. ასევე წმინდა მოციქულების პეტრე-პავლეს ხატი და მათ წინ დანთებული სანთლები...
ყველას საეკლესიო შესამოსელი ემოსა [საღვთისმხახურო], აღმოსავლეთითა და დასავლეთით ყველა მღვდელმთავარი დასხდა და სიჩუმე ჩამოვარდა. მაშინ [ფეხზე წამოდგნენ] უნეტარესმა პაპმა წარმოთქვა: „კურთხეულ არს უფალი ისრაელისა“ და ყველამ ერთად დოქსოლოგიის [დიდება მაღალთა შინა ღმერთსა] გალობა დაიწყო. ამის შემდეგ დასხდნენ და ამბიონიდან კრების დაწყება გამოაცხადეს, მაგრამ მანამდე მეფემ და პაპმა გადაწყვიტეს პატრიარქის მიერ გამოგზავნილი წერილი წაეკითხათ, მაშინ წამოდგა პატრიარქის დიაკონი და წერილი წაიკითხა.
წყარო: Mansi, XXXI გვ. 475-478.
Commenti